ALEMANIA

 

   Núrembergera heldu beri, Italiatik etorritako Paola Balborekin batera.

Dinkelsbühl Bavierako Franconia zonaldean dagoen herria da. Bertan, enpresa eskola den SBS STAALICHE WRTSCHAFTSSCHULEn egon gara.

Argazkian, gu bion erdian, eskolako zuzendaria den Andreas Wedler.

Eskola honetan 6. mailatik 11. mailara dute, 11 edo 12 urterekin hasi eta 17 edo 18rekin bukatu.

15 minutuko bi atsedenaldi dituzte. Klaseak 45 minutukoak dira.

Bi enpresa simulatu dituzten, batean bulegoko materiala saltzen dute eta bestean kiroleko arropak. Enpresa hauek kudeatzeko Bavierako eskola guztiek programa berdina erabiltzen dute.

 CO2a neurtzeko aparatuak dituzte gela guztietan.

 Ingeleseko irakaslea etxeko lanak zuzentzen, ikasle baten lanak proiektatuta.

Eskolako proiektuen artean, ingurumenarekin lotuta, erleak dituzte, ikasleek eztia batu eta saldu egiten dute.

Lanbide Heziketako ikasleak beste eraikin baten daude, 3 urte irauten du, 15 urtetik 18ra. Lana eta ikasketak egiten dituzte aldi berean, 4 egunetan doaz lanera eta asteazkenetan eta ostiral arratsaldetan eskolara.

                                            Bertako egunkarian ere agertu ginen.   

Dinkelsbühl, erdi aroko herria polita da, harresitua, ondo zaindua eta turista askorik gabe. Gaueko 9etan egunero bertako historia kontatzen du gizon honek.

Etxeetako fatxadek ere  herriko historia kontatzen dute.

Fatxadek etxe horretako jendea katolikoa edo protestantea zen azaltzen zuten.

 Herria harresiarekin inguratuta dago eta parke itzela du.

Bisitatu genituen herrien artean garrantzitsuenak eta Alemaniako herri politenetarikoak Núremberg eta Rothenburg dira.  

    Nuremberg

Franconiako hiriburua, 2. Mundu Gerran ia osorik suntsitu zutena.

Argazkian, Konstantin Chytiris, Erasmus +eko arduraduna eta Paola eta biok.

     

   Rothenburg

Erdi Aroko harri bitxia, Ipuinetako herria, Alemaniako herri polit eta ospetsuenetariko bat.

Buelta bat emateko aukera.

Denda bateko eskaparatea.

TXEKIAR ERREPUBLIKA

 Oraingo honetan Txekiar Errepublikan izan gara. Pragan zehar ibili ginen, 2022ko Azaroaren 7tik 11ra, beste zenbait irakaslerekin batera ICT in Education deitzen den ikastaro bat egiten.

Astean zehar hainbat klase desberdin izan genituen gure geletan teknologia era egoki batean ezartzen ikasteko. Hurrengo gaiak jorratu genituen:

Ikastaroan 8 irakasle egon giñen. Besteak beste,Turkiatik; Nimet, musika irakaslea. Serap, gaueko eskolako irakaslea. eta Hande, ingeles irakaslea. Eslobakiatik, Adriana eta Erika, matematikako irakasleak. Eta Kroaziatik, Sasa, eskolako zuzendaria eta Katarina, kroazierako irakaslea. Bakoitzak maila eta irakasgai ezberdinak irakatsi arren, denok ikasi ahal izan genuen asko besteengandik.

Lehenengo egunean, irakasle bakoitzaren aurkezpenak egin ondoren eta ikastarori hasiera eman eta gero, hiritik zehar bisita gidatu bat egitera eraman gintuzten.

                                                    Lennonen horma

Hiri zaharreko plaza

                                                               

                                   Pragako Charles IV izeneko zubi famatuan.

Gehienbat, online eta ordaindu gabeko aplikazioak erabiltzen ikasi genuen. Adibidez, Learningapps.org, ikasleentzako teoria zein praktika modu erakargarrian eman ahal izateko aplikazioa. Jolasak sortzeko web orrialdea da eta edozein gairi buruzko jolasak sortzeko aukera ematen digu.

   Sortutako jolasen adibide bat: https://learningapps.org/watch?v=phheq7xva22

Gelan erabiltzeko QRak sortzen eta ordenagailuak erabiltzen duten hizkuntza ezberdinetan kodetzen ere ikasi genuen. Code.org eta Qr.io erabiliz, gelan proiektu interaktiboak sortu ahal izateko herramienta teknologikoak kudeatzen ere ikasi genuen.

QRak erabiltzen ikasteko sortu genuen "altxorraren bila"ko hasiera.

Aurkezpen eta kahooten bat edo beste egitea ere tokatu zitzaigun, eta batzuk sari eta guzti!

Hainbat baliabide landu ondoren, hauek erabilita bakoitzak gure web orrialdea sortu behar izan genuen Weeblyz baliatuz. Hemen nik sortutako webgunea: MUSIC IN ENGLISH

Klaseko azken egunetan, musikaren bidez, ikasleek ingeles hizkuntza zein kulturara hurbiltzeko sortua.

Horrez gain, hiriko leku esanguratsuak ezagutzeko aukera ere izan genuen arratsalde batzuetan.

Jindřišská Věž, Enrikeren dorrea.

                                                       Wenceslao Plaza

Pragako erloju astronomikoa

 Liburutego publikoan aurkitu daitekeen, Mtaej Krenen, Idiom. Liburu infinituen eskultura.

Vltava ibaia

Azken egunean ikasitako guztia errepasatu eta aurkezpen batzuk egitea tokatu zitzaigun. Horren ondoren, ziurtagiriak batu eta agurren ordua iritsi zen.

Lanez betetako astea izan dugu, klaseak eta bisitak...ekintza asko izan ditugu. Hau honela izanda, oso aste onuragarria izan da, gomendatzeko modukoa. Beste herrialde batzuetako hezkuntza sistema zein irakasleen bizipenak ezagutu eta harreman berriak sortzeko balio izan diguna.

 

                                               Eskerrik asko irakurtzearren, 

Děkuji za přečtení

ISLANDIA UDAN

Reykjaviken eman diogu hasiera  eskolen sare handi den Etwinning tailer honi, 2022ko uztaileko 18tik 30 arte egindako  ikastaroan.  

                                                               Aste osoko agenda

Centre Plaza Hotelean  artatu gintuzten igande arratsalde batean eta hiria eta kideak ezagutzeko scape room jardueraren bitartez aritu ginen taldeetan.

 

Astelehenean eskolen aurkezpena. Zer eta zergatik  Etwinning? 

 

Lekeitio BHI  erakusteko aukera izan genuen eta beste 8 eskola ere ezagutu genituen: Lleidatik  Alfons Costrafedra; Kroaziatik, Split ondoko Zmijavci eskola; Hungariatik, Budapest Aquincum;   Errumaniatik Saint George Székely Mikó College; Italiatik,  Veronako  Instituto Técnico Statale Cangrande della Scala; Greziatik, Atenaseko  Geniko Lykio Agias Paraskevis; eta Cadizetik, Oratorio Padre Torres Silva. 

Asteartean,  asteazkenean, eta ostegunean Etwinnen bitartez eskolek egindako lan bateratuen praktika onak ezagutu genituen (networking). Honetaz gain, ikastetxearen internazionalizaziorako akrediatzioa  eskatzeko informazioa jaso eta hori lortzeko bidean hasi ginen.  

 Hungariako,  Kroaziako  eta Lekeitio BHI ko  ikastetxeetako kideak Mareika Raabe irakaslearekin 

Ikastaroa amaitu bitartean, lehen urratsak eman ditugu  datorren urtean burutuko dugun  proiektua disenatzeko: Let´s Bond,  Lleida, Kroazia eta Lekeitio batera arituko gara. 

Goizeetan lanean eta arratsaldeak kideekin sozializtatzeko aukera ezin hobea Islandiako magia, eta  edertasuna ezagutu bitartean. Duda barik, asteko momenturik ederrenak. 

Reykjaviketik ordu batera dagoen  Fragradalsfjal sumendia. Iaz lehertu zen eta labaren mihia  ikustera hurbildu ginen. 

                                                            Kerid sumendiaren kraterra

                                Sólheimajökull  glaziarra, sumendiaren hautsez zikindua

                                                                      

                                    Geysirrak bere indarra erakutsi zigun tartean- tartean. 

  Hegoaldeko hondartza beltza: Reynisfjara eta itsasotik ateratzen diren harri bolkanikoak

                                                                Vik herria 

                              

      Egun eguzkitsua eta itsas-lehoiak lasai  etzanda eguneko berotasuna aprobetxatzen . Zortedunak izan ginen, benetan ere!

    Errepidean topatutako eliza txiki bat. Pozgarria  da nola zabalduta dagoen LGTBI+ren ikurra herrialde osoan, eta gutxien espero duzun tokian, eliza txiki baten ondoan. 

  

                               Ur-jauziak nahinon udan ere. Hau Kirkjufell da. 

     Hau Islandiako ur-jauzirik ezagunenetakoa da, batez ere, zinemari esker, Skógaffos, 

irlaren hegoaldean.

                 Arrantzaleen herri polit bat, Stykkishólmur, hego-mendebaldean. 

          Larunbat goizean, hausnarketa, ikastaroaren ebaluazioa eta agiriak jasotzeko unea. 

                             Takk fyrir !